Doris Oswald auf ihrer Traueranzeige in der SWP vom 06.11.2020

In Memoriam Doris Oswald – 09.01.1936 – 30.10.2020

schwäbisches Mundartgedicht von Walther

`s Dorle isch ganga
händ drs geläse heit em blättle
arschd drledschd haon i se em Aldi droffa
greng isch se gewäa so greng
wenn i gwist hädd dasses `s ledschde mål isch …

… nå hädda mr längr gschwätzt
griaß Gott on ade – wie mir hald send
gschwend gschwend on schao ischs läba
vorbei

Jetz isch se uff däm wäg mo mr nemme
zrigg  gugga kå – wann‘d pech håsch kåsch
ed amål wengga wenn’d gåsch

Mir wenggad, Doris, mir henn raode aoga
mir henn raode nåsa
wahrscheinlich häddsch sell gared wälla

Mached koin son uffzug häddsch a wengele
spitzbübisch glächeld s’kahrt zom läba
drzu der dod – wia’s friejahr dr taubaschiss
on s’vierdele Metzinger

On jetz gäbbad a rua – grad wian i ao

Netfinder Doris Oswald
Poetin, schwäbische Kommödiantin (heute: Comedian), Tierschützerin, Bürgerin
https://de.wikipedia.org/wiki/Doris_Oswald

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.